امریکی صدر ڈونلڈ ٹرمپ نے پاکستان اور بھارت کے درمیان ایک بار پھر مسئلہ کشمیر پر ثالث کا کردار ادا کرنے کی پیشکش کی ہے۔
غیر ملکی میڈیا کے مطابق امریکی صدر ڈونلڈ ٹرمپ نے دورہ بھارت کے آخری روزبھارتی وزیراعظم کے ہمراہ پریس کانفرنس کرتے ہوئےکہا کہ نریندرمودی سے ہونے والی ملاقات میں دہشت گردی سمیت کئی معاملات پرگفتگو ہوئی جس میں مسئلہ کشمیر کو ترجیح حاصل رہی۔
صدر ٹرمپ نے کہا کہ کشمیر ایک بہت پرانا مسئلہ ہے اور میں مسئلہ کشمیر کے حل کے لیے پاکستان اور بھارت کی مدد کرنے کو تیار ہوں،امریکا کے پاکستان کیساتھ اچھے تعلقات استوار ہیں اور وزیراعظم عمران خان میرے دوست ہیں۔