قطر ائیرویز نے 13 جولائی سے پاکستان کیلئے اپنا فضائی آپریشن بحال کرنے کا اعلان کردیا ،نئی ٹریول ایڈوائزری جاری میں مسافروں کیلئے کورونا ٹیسٹ کرانا لازم قرار دیا گیا ہے۔ نجی ٹی وی کی رپورٹ کے مطابق غیر ملکی ایئرلائن قطر ائیرویز نے 13جولائی سے پاکستان کیلئے فضائی آپریشن بحال کرنےکااعلان کردیا، ائیر لائنز نے اس سلسلے میں نئی ٹریول ایڈ وائزری جاری کردی، جس کے تحت مسافروں کیلئے کورونا ٹیسٹ لازمی قرار دیا گیا ہے۔
تفصیلات کے مطابق قطر ائیرویز کی نئی ٹریول ایڈ وائزری کے مطابق مسافروں کے لیے پرواز سے 72 گھنٹے پہلے کورونا ٹیسٹ کرانا لازمی ہوگا۔ قطر ایئرویز نےاس سلسلے میں چار لیبارٹریز کا انتخاب کیا ہے جن کےٹیسٹ قابل قبول ہوں گے، تاہم 12سال سے کم عمر بچے کورونا ٹیسٹ سے مستثنیٰ ہوں گے ۔
متعلقہ لیبارٹریز مسافروں کی ٹیسٹ رپورٹس براہِ راست قطر ائیرویز کو بھجوائیں گی جبکہ مسافر وں کو بھی اپنا کورونا ٹیسٹ منفی آنے کی رپورٹ ساتھ رکھنا ہوگی۔