کراچی: اداکار آغا علی نے پشتو زبان سے متعلق تبصرے کی ایک پانچ سال پرانی ویڈیو پر معافی مانگ لی۔
چند روز سے سوشل میڈیا پر ایک ویڈیو وائرل ہے جس میں فیصل قریشی، آغا علی اور نیلم منیر نظر آرہے ہیں۔ ویڈیو میں آغا علی نیلم منیر سے متعلق گفتگو کرتے ہوئے بتا رہے ہیں کہ شوٹ کے دوران ہم بیٹھے ہوتے ہیں تو اچانک نیلم کے پاس کال آتی ہے جس کے بعد اچانک سے کوئی پشتو میں بات کرنا شروع کر دیتا ہے۔
آغا علی کی بات پر وہاں میزبان سمیت تمام ہی شرکاء ہنسنے لگے جس کے بعد آغا اپنی بات جاری رکھتے ہوئے کہتے ہیں کہ پشتو زبان سننے کے بعد جب آپ اپنے ارد گرد دیکھتے ہیں تو وہ اداکارہ جس سے آپ کو مثبت احساس محسوس ہوتا ہے وہ پشتو میں بات کر رہی ہوتی ہے۔
Firstly .. agar kisi ka bhi dil dukha hai kisi 5 saal purani clip ko dekh Kar bhi tou Meri taraf se Mazrat .. jab kay jis pathan dost se ye mazak horaha tha (Neelam Muneer) she laughed really hard herself as she knew my intentions..Phir Bhi kisi ki bhi dil azari hui tou mazrat🙌🏻
— Aagha Ali (@AaghaAli) August 18, 2020
ویڈیو وائرل ہونے کے بعد آغا علی پر کچھ صارفین کی جانب سے تنقید بھی کی گئی جس پر اداکار نے اپنی ٹوئٹ میں معذرت کرتے ہوئے کہا کہ پہلی بات یہ ہے کہ پانچ سال پرانی اس ویڈیو کلپ کو دیکھ کر اگر کسی کی دل آزاری ہوئی ہے تو میں معذرت چاہتا ہوں۔ جب کہ دوسری بات یہ ہے کہ جس پٹھان سے یہ مذاق ہو رہا تھا وہ خود بھی بے ساختہ ہنس رہی تھیں کیوں کہ انہیں پتا تھا کہ میں کس ارادے سے بات کر رہا ہوں لیکن میں پھر بھی معذرت چاہتا ہوں۔
Mene kai shows main kaha hai .. “ Pathan Pakistan ki Sab se mehenti qaum hai “ Afsos kay esi baatein log viral nahi kartay.. kher .. mene ek Pathan Prime Minister ko vote Diya tha .. tou main tou Pathano ko itna qabil samjhta hoon… may Allah Bless Pakistan #DontSpreadHate
— Aagha Ali (@AaghaAli) August 18, 2020
آغا علی نے اپنی دوسری ٹوئٹ میں کہا کہ میں نے کئی شوز میں کہا کہ پٹھان پاکستان کی سب سے محنتی قوم ہے لیکن افسوس کہ لوگ اس طرح کی میری باتیں وائرل نہیں کرتے۔ خیر میں نے ایک پٹھان وزیر اعظم کو ووٹ دیا ہے کیوں کہ میں پٹھانوں کو اتنا قابل سمجھتا ہوں۔