ڈھاکا (انٹرنیشنل ڈیسک) بنگلا دیش نے روہنگیا مہاجرین کی خلیج بنگال میں واقع متنازع جزیرے پر منتقلی کی سخت مخالفت کے باوجود مزید ًایک ہزار افراد پر مشتمل دوسرا گروپ بھی منتقل کردیا۔ اس سے قبل پیر کے روز روہنگیاؤں کے ایک دوسرے گروپ کو خلیج بنگال میں واقع متنازع جزیرے پر منتقل کرنے کا عمل شروع کیا گیا تھا۔ انسانی حقوق کی عالمی تنظیمیں تحفظ کے پیش نظر مہاجرین کی وہاں منتقلی روکنے کا مطالبہ کرتی رہی ہیں تاہم اس کے باوجود بنگلا دیشی حکومت کا انہیں جزیرے پر پہنچانے کا سلسلہ جاری ہے۔