حیدرآباد (اسٹاف رپورٹر) حیدرآباد چیمبر آف اسمال ٹریڈرز اینڈ اسمال انڈسٹری کے ایک نمائندہ وفد نے ڈپٹی کمشنر حیدرآباد فواد غفار سومرو کی جانب سے یوم حق ارادیت اور کشمیریوں سے اظہار یکجہتی کے لیے نکالی جانے والی ریلی میں صدر سلیم الدین قریشی کی سربراہی میں شرکت کی۔ صدر چیمبر اسمال ٹریڈرزنے بھارت کی جانب سے کشمیریوں پر ہونے والے مظالم، قتل عام اور انسانی حقوق کی خلاف ورزی پرمذمت کا اظہار کیا اوروفاقی حکومت سے مطالبہ کیا کہ وہ کشمیرکے مسئلہ کو ہر عالمی فورم پر مؤثر انداز میںاٹھائے اور کشمیریوں کے حقوق کے لیے جدوجہد کو تیز کرے،
قوم اور تاجر برادری اِس سلسلے میں حکومت کے شانہ بشانہ کھڑی ہے۔ وفد میں سکندر علی راجپوت، محمد الناصر، محمد یاسین خلجی، محمد ادریس میمن، محمد ایوب شیخ، سہیل احمد قریشی ، گرمکھداس، اور کشور کمار بھاٹیا سمیت دیگر بھی شریک تھے۔