ڈگری (نمائندہ جسارت) ڈگری بائی پاس پر ٹریکٹر شوروم پر کام کرنے والے ملازم 45 سالہ چوتھو کولہی کو نامعلوم ملزم نے تیز دھار آلے سے قاتلانہ حملہ کرکے گلہ کاٹ کر زخمی کردیا اور موقع سے فرار ہوگیا۔ زخمی شخص کو فوری طور پر تحصیل اسپتال ڈگری پہنچایا گیا، جہاں اسے ابتدائی طبی امداد فراہم کرنے کے بعد تشویشناک حالت میں حیدر آباد ریفر کردیا گیا۔ پولیس ذرائع کے مطابق واقعہ ذاتی رنجش کا شاخسانہ ہے جبکہ ملزم دلدار بھرگڑی کو تیز دھار آلے سمیت گرفتار کرلیا گیا۔ واقعہ کا مقدمہ تاحال درج نہیں ہوسکا۔