سرکاری ٹوئٹراکاونٹ سے امریکی صدر ڈونلڈ ٹرمپ کے بیان جاری کرنے پر ٹوئٹر نے ٹویٹ ڈیلیٹ کرنے کے ساتھ ساتح مستقل طور پر اکائونٹ بند کردیا۔
ٹوئٹر انتظامیہ کے مطابق امریکی صدر ڈونلڈ ٹرمپ کی جانب سے پالیسی کی خلاف ورزی کرنے پر اور تشدد کو بھڑکانے کے مزید خدشہ کے باعث اکاونٹ بند کیا گیا ہے اور فیصلہ ٹرمپ کے اکاونٹ کا جائزہ لینے کے بعد کیا گیا۔
ٹوئٹرانتظامیہ کی جانب سے ٹیم ٹرمپ نامی اکاونٹ اور ٹرمپ کا کمپین اکاونٹ کو بھی معطل کردیا گیا ہے، ٹوئٹر نے امریکی صدر سمیت سابق قومی سلامتی کے مشیر مائیکل فلین اور ٹرمپ کی حامی وکیل سڈنی پاول کا بھی ٹوئٹر اکاونٹ مستقل طور پر بندکردیا ہے۔
خیال رہے کہ اس سے قبل امریکی صدر ڈونلڈ ٹرمپ کا اکاونٹ 12 گھنٹے کیلئے معطل کیا گیا تھا۔
دوسری جانب امریکی صدر ڈنلڈ ٹرمپ نے ٹوئٹرانتظامیہ کی جانب سے مستقل ٹوئٹر اکائونٹ پر پابندی عائد کیے جانے کے بعد ردعمل میں کہا کہ ہم خاموش نہیں رہیں گے،انتظار کریں ہم بہت جلد بڑا اعلان کریں گے،ہم اپنا سوشل میڈیا پلیٹ فارم بنانے پر غور کررہے ہیں۔