قاہرہ (انٹرنیشنل ڈیسک) مصر میں سزائے موت کے 3قیدی جیل سے فرار ہوگئے۔ ذرائع ابلاغ کے مطابق مصری حکام کی جانب سے جاری بیان میں تصدیق کی گئی کہ مغربی صوبے کے شہر طنطا کے مشہور قیدخانے سے 3قیدی فرار ہوگئے۔ بیان میں بتایا گیا کہ تینوں قیدیوں کو سزائے موت سنائی گئی تھی۔ تینوں قیدیوں نے جیل کی دیوار میں نقب لگائی اور وہاں سے فرار ہونے میں کامیاب ہوگئے۔ حکام کا کہنا ہے کہ تینوں مفرور قیدیوں کی تلاش کے لیے کارروائی کی جارہی ہے۔