دوحہ (انٹرنیشنل ڈیسک) تُرک وزیر خارجہ مولود چاوش اولو نے امیر قطر سے ملاقات میں صدر اِردوان کا سلام پیش کیا۔ چاوش اولو نے قطر کے دورے میں امیر قطر شیخ تمیم بن حمد الثانی سے ملاقات کے دوران عرب ممالک کے محاصرہ ختم ہونے پر مبارک باد پیش کی۔ ملاقات کے بعد مشترکہ پریس کانفرنس سے خطاب میں انہوں نے کہا کہ ترکی اور قطر کے تعلقات ہر شعبے میں پہلے سے زیادہ مضبوط ہوتے جا رہے ہیں۔ اس سے قبل چاوش اولو سرکاری دورے پر کویت بھی پہنچے تھے۔
