وزیراعظم عمران خان کا کل قومی اسمبلی سے اعتماد کا ووٹ لینے کا اعلان

وزیر اعظم عمران خان نے اس عزم کا اعادہ کیا ہے کہ ملک سے بد عنوانی کے خاتمے اور قانون کی بالا دستی کے لیے جدوجہد جاری رہے گی۔
ریڈیو اور ٹیلی ویژن پر قوم سے خطاب کرتے ہوئے انہوں نے کہا کہ حزب اختلاف کی جماعتوں نے ان پر دبائو ڈالنے اوریوسف رضا گیلانی کو منتخب کرانے کیلئے غیر جمہوری ہتھکنڈے استعمال کئے ۔
وزیر اعظم نے اعلان کیا کہ وہ کل (ہفتہ) قومی اسمبلی سے اعتماد کا ووٹ لیں گے۔
انہوں نے کہا کہ اعتماد کا ووٹ لینے کی تحریک پر ووٹنگ اوپن ہو گی یہاں تک کہ پاکستان تحریک انصاف سے تعلق رکھنے والے ارکان بھی ان کے خلاف ووٹ ڈال سکیں گے۔
اگر انہوں نے میری حمایت نہ کی تو وہ اپوزیشن کے بینچوں پر چلے جائیں گے۔
وزیر اعظم نے اس یقین کا اظہار کیا کہ پاکستان بانیان پاکستان کے خوابوں کے مطابق ایک عظیم قوم بن کراُبھرنے جا رہا ہے ۔