وزیراعظم عمران خان نے مشیر خزانہ عبدالحفیظ شیخ سے ملاقات میں ان پر مکمل اعتماد کا اظہار کرتے ہوئے انہیں اپنا کام جاری رکھنے کی ہدایت کی ہے۔
انہوں نے بتایا کہ ملکی معیشت کی بہتری کے لیے حفیظ شیخ نے احسن خدمات ادا کی ہیں، پاکستان کی معیشت کو بہتر بنانے میں حفیظ شیخ کا اہم کردار ہے۔
بتایا گیا ہے کہ وزیراعظم سے ملاقات کے بعد وزیر خزانہ حفیظ شیخ نےاپنے عہدے سے مستعفی نہ ہونے کا فیصلہ کیا ہے۔
واضح رہے کہ حفیظ شیخ کو سینیٹ الیکشن میں کامیابی کی امید پر 6 ماہ کے لیے وفاقی وزیر خزانہ بنایا گیا تھا، تاہم وہ سینیٹ الیکشن میں شکست کے بعد 11 جون کے بعد وفاقی وزیر نہیں رہیں گے، اور 11 جون کے بعد بطور مشیر خزانہ اپنے امور جاری رکھیں گے۔
