سیاسی جماعتوں کے بائیکاٹ کے باوجود الیکشن کمیشن کے عملے نے قومی اسمبلی کے حلقہ این اے 249 کراچی میں ہونے والے ضمنی انتخاب کے ووٹوں کی دوبارہ گنتی شروع کر دی۔ نجی ٹی وی کی رپورٹ کے مطابق ووٹ دوبارہ گننے کے عمل میں شامل ہونے کے لیے پیپلز پارٹی کے امیدوار عبدالقادر مندوخیل دوبارہ اندر چلے گئے۔
تفصیلات کے مطابق ٹی ایل پی سمیت 2 آزاد امیدوار بھی ووٹوں کی دوبارہ گنتی کے عمل میں موجود ہیں۔
نجی ٹی وی کے مطابق 4 پولنگ اسٹیشنز کے ووٹ گن لیئے گئے ہیں، ان چاروں پولنگ اسٹیشنز کے ووٹوں میں کسی قسم کا ردوبدل نہیں پایا گیا۔