اسلام آباد: وفاقی وزیر توانائی حماد اظہر کا کہنا ہے کہ اضافی بجلی، رقم کی وصولی اور ادائیگی پر وفاقی حکومت اور کے الیکٹرک میں اتفاق رائے قائم ہو گیا ہے۔ نجی ٹی وی کی رپورٹ کے مطابق وفاقی وزیر توانائی حماد اظہر کا کہنا ہے کہ وفاقی حکومت اور کراچی الیکٹرک کے اضافی بجلی کی فراہمی اور حکومت سے رقوم کی موصولی اور ادائیگی کے دیرینہ اختلافات ہیں، اکثر معاملات اور مستقبل میں آسانی کے لئے آج اصول طے پاگئے ہیں اور اب کے الیکٹرک کے ساتھ جلد نیا معاہدہ ہوگا۔