نیو اسلام آباد انٹرنیشنل ایئرپورٹ پر اے این ایف نے منشیات بیرون ملک اسمگل کرنے کی کوشش ناکام بنادی ۔ نجی ٹی وی کی رپورٹ کے مطابق حکام کےمطابق دوحہ قطر جانے والی پی آئی اے کی پرواز نمبر pk287 کی بریفنگ جاری تھی کہ گجرات سے تعلق رکھنے والا اسجد علی نامی مسافر سامان کے ہمراہ سفر کے لیے ایئرپورٹ کے انٹرنیشنل ڈیپارچر لاؤنج پہنچا ۔
تفصیلات کے مطابق اے این ایف کے عملے نے اس کے سامان کی تلاشی لی تو مسافر کے ٹرالی بیگ کی تہوں میں پیکنگ مٹیریل کے ساتھ چھپائی گئی دو کلو ہیروئن برآمد ہوئی ۔ سیکیورٹی اہلکاروں نے سامان و ہیروئن سمیت مسافر کو تحویل میں لیکر مزید تفتیش کے لیے اے این ایف سیل منتقل کردیا جہاں ملزم سے مزید انکشافات کی توقع ہے۔