پاکستان بھر میں یوم بحریہ آج انتہائی ملی جوش و جذبے سے منایا جا رہا ہے۔
پاک بحریہ نے یومِ بحریہ کے موقع پر خصوصی ویڈیوز بھی جاری کی ہے جس میں8 ستمبر 1965 کی داستانِ شجاعت کو بیان کرنے کی کوشش کی گئی ہے۔
1965 کی جنگ میں بری اور فضائی افواج نے وطن کے دفاع وطن کافرض بھرپور طریقے سے ادا کیا تا ہم 8 ستمبر کا دن پاک بحریہ کے نام رہا۔ طیارہ بردار جہاز نہ ہونے کے باوجود پاک بحریہ نے اس جنگ میں بہادری اور پیشہ ورانہ مہارت کی نئی تاریخ رقم کی۔
پاکستان کی واحد آبدوز غازی نے اپنے نام کی لاج رکھتے ہوئے غازی رہ کر ایک ایسا معرکہ مارا کہ آج بھی پوری دنیا اس پر حیرانگی کا اظہار کرتی ہے۔ غازی آبدوز نے تن تنہا بھارتی بیڑے کو عالمی سمندر میں پیش قدمی سے روکے رکھا۔ آپریشن دوارکا میں پاکستان نیوی نے دشمن کے دلوں پر لرزہ طاری کیا اور کموڈور ایس ایم انور کی زیر قیادت دشمن کے چھکے چھڑا دیے۔