اسلام آباد (اے پی پی) پاکستان نے انسانی ہمدردی کی بنیاد پر مزید 16ٹرکوں پر مشتمل امدادی اشیا افغانستان بھیج دیں۔ چیئرمین کسٹم ہیلتھ کیئر سوسائٹی اور وفاقی ٹیکس محتسب ڈاکٹر آصف محمود نے کسٹمز ایف بی آر ارکان کے ہمراہ جمعے کو طورخم سرحد پر امدادی اشیا پاکستان قونصلیٹ کے حوالے کر دیں۔ اس موقع پر ایک تقریب سے خطاب کرتے ہوئے ڈاکٹر آصف محمود نے کہا کہ امدادی اشیا میںکھانے پینے کا سامان، گرم کمبل اور کپڑے، ادویات، خیموں اور کوڈ ۔19کٹس پر مشتمل اشیا ہیں۔ انہوں نے کہا کہ طالبا ن کے آنے کے بعد پاکستانیوں کی جانب سے اپنے افغان بھائیوں کے لیے یہ سب سے بڑا ریلیف پیکج ہے۔