کابل: افغان طالبان کے بانی ملا عمر کے صاحبزادے اور امارت اسلامیہ افغانستان کے وزیر دفاع ملا یعقوب پہلی بار ایک تقریب میں منظر عام پر آگئے اس سے قبل ان کی تصویر بھی دستیاب نہیں تھی۔
ترجمان طالبان ڈاکٹر محمد نعیم نے سماجی رابطے کی ویب سائٹ پر ٹوئٹ کرتے ہوئے کہا ہے کہ ایک نجی تقریب میں ملا یعقوب نے شرکت کی ، جس کے بعد تقریب کے شرکاء نے اپنی خوشی کا اظہار کھڑے ہوکراستقبال کرتے ہوئے کیا۔
د افغانستان اسلامي امارت ملي دفاع وزارت وزیر مولوي محمد یعقوب ابن ملا(محمدعمر) مجاهد حفظه الله. 👇🏻 pic.twitter.com/GBjp3sDBKD
— Dr.M.Naeem (@IeaOffice) October 27, 2021
ملا یعقوب نے تقریب میں شرکاء سے خطاب کرتے ہوئے کہا کہ اب افغانستان میں اندھیری راتیں ختم ہوگئیں،عوام کے تعاون سے ہم ایک بار پھر افغانستان کو خوشحال بنانے میں جلد کامیاب ہوجائیں گے۔
واضح رہے کہ اس سے پہلے ملا یعقوب کی کوئی تصویر منظر عام پر نہیں آئی تھی، آج پہلی مرتبہ ملایعقوب کاتعارف حاصل ہونے کے بعد میڈیا کے نمائندوں نے مختلف انداز سےتصاویر کھینچی ہیں ، جس پر کسی بھی قسم کی کسی نے کوئی مداخلت نہیں کی۔