کراچی ( اسٹاف رپورٹر)یوتھ ہاکی کلب اورنج کے ایچ اے انٹر کلب ہاکی چمپئن شپ کے کوارٹر فائنل میں پہنچ گئی،آخری لیگ میچ میں وائے ایچ سی اورنج نے سینٹرل فٹنس ایچ سی کو عبدالوہاب اور حارث نصیر کی ہیٹ ٹرک کی مدد سے کھاتہ کھولنے کا موقع دیے بغیر ایک درجن گول سے شکست دیدی۔فاتح ٹیم کے عبدالوہاب نے ہیٹ ٹرک کے اعزاز کے ساتھ 5 گول اسکورکیے، دوسری ہیٹ ٹرک 13, 19 اور 37 ویں منٹ میں گول کرکے حارث نصیر نے اپنے نام کیا، انٹر کلب ہاکی چمپئن شپ کے35 ویں میچ میں سی ہاک کلب نے دلچسپ اور سنسنی خیز مقابلے کے بعد کورنگی ٹائیگرز کو 0-1 سے شکست دیدی، ایونٹ کے 36 ویں منٹ میچ میں یونائیٹڈ ہاکی کلب نے بلدیہ کلب کو 2-3 سے زیر کیا۔