حسن ابدال(آن لائن)جمعیت علما اسلام کے سربراہ مولانا فضل الرحمن نے کہا ہے کہ نواز شریف کیخلاف مظاہرے حلال جبکہ عمران خان کے خلاف حرام کیسے ہو گئے۔ان خیالات کا اظہارانہوں نے دعوت ولیمہ کی تقریب میں میڈیا سے خصوصی گفتگو کے دوران کیا۔انہوں نے کہا کہ حکومت کو چاہیے کہ ٹی ایل پی کے مسئلے کو افہام و تفہیم کے ساتھ حل کرے،
مظاہرین کیخلاف طاقت کا استعمال کرنے سے گریز کرے۔ان کا کہنا تھا کہ ٹی ایل پی مذہبی جماعت ضرورہے لیکن انتہا پسند نہیں۔فضل الرحمن کا مزید کہنا تھا کہ کے پی میں ہونے والے بلدیاتی انتخابات کو تسلیم نہیں کرتے،جو حکومت خود دھاندلی کی پیداوار ہو اس کی زیر نگرانی ہونے والے انتخابات کو کیسے قبول کیا جا سکتا ہے۔