ڈھاکا(جسارت نیوز)بنگلا دیش کرکٹ ٹیم کے آل رائونڈر سیف الدین فٹنس مسائل کے باعث پاکستان کے خلاف ہوم سیریز سے باہر ہوگئے ہیں۔ بنگلا دیش کرکٹ بورڈ کے چیف فزیشن دیباشیش چوہدری نے تصدیق کرتے ہوئے کہا کہ بنگلا دیش کے زخمی فاسٹ بولر آل رائونڈر محمد سیف الدین جو کمر کی تکلیف میں مبتلا ہیں اور ان کو اس سے قبل جاری آئی سی سی ورلڈ ٹی 20 میں جگہ دی گئی تھی۔ سیف الدین آئندہ ماہ پاکستان کے خلاف بنگلا دیش میں شیڈول3 ٹی -20 اور 2 ٹیسٹ میچز کی ہوم سیریز سے باہر ہوگئے ہیں ۔بی سی بی چیف فزیشن نے مزید کہا کہ سیف الدین کو کمر کی تکلیف سے نجاب حاصل کرنے کے لیے بحالی صحت کے عمل سے گزرنا ہوگا جو کم از کم ایک ماہ پر محیط ہوگا۔