دبئی: قومی کرکٹ ٹیم کے نائب کپتان شاداب خان کا کہنا ہے کہ ہوسکتا ہے ہم بمیبیا کے خلاف ٹاس جیت کر پہلے بیٹنگ کریں۔
نائب کپتان شاداب خان نے کہا ہے کہ ہماری ٹیم بہترین کھیل پیش کر رہی ہے، نمیبیا کے خلاف بھی اچھا کھیلیں گے، ابوظہبی میں کنڈیشن دبئی سے مختلف ہوں گی، ابوظہبی میں ہمارے باولرز کو سوئنگ ملے گا۔
شاداب خان نے کہا کہ ابوظہبی میں کچھ وکٹوں پر اسپن بھی ہوتا ہے، افغانستان کے ابوظہبی میں ہونے والے میچ میں بھی بال اسپن ہوئی۔
انہوں نے کہا کہ جو بھی ٹیم ٹاس جیت رہی ہے وہ پہلے باولنگ کر رہی ہے، ہوسکتا ہے آج ہم ٹاس جیت کر پہلے بیٹنگ کرلیں۔