گلاسگو (انٹرنیشنل ڈیسک) سابق امریکی صدر بارک اوباما نے نوجوانوں سے کہا ہے کہ ماحولیاتی تبدیلیوں کے خلاف جنگ میں انہیں اپنا عزم برقرار رکھنے کی ضرورت ہے۔ انہوں نے موسمیاتی بحران کے حوالے سے چین اور روس کے رویے پر بھی نکتہ چینی کی۔ماحولیات سے متعلق اقوام متحدہ کے سربراہ اجلاس کے دوسرے ہفتے کا آغاز سابق امریکی صدر بارک اوباماکے خطاب سے ہوا۔ اس موقع پر انہوں نے گلاسگو میں کیے جانے والے اہم کاموں کی تعریف کی۔