پیرس (انٹرنیشنل ڈیسک) فرانسیسی صدر عمانویل ماکروں نے نئے جوہری پاور پلانٹ کے تعمیراتی منصوبے کا اعلان کر دیا ۔ سرکاری ٹی وی پر اپنے خطاب میں ماکروں نے دیگر امور کے علاوہ موسمیاتی تبدیلیوں کے خلاف جنگ اور توانائی کی کمی جیسے خدشات کا ذکر کرتے ہوئے نئی نسل کے جوہری پاور پلانٹ کی تعمیر کا منصوبہ پیش کیا۔ ماکروں نے اپنے خطاب میں قابل تجدید توانائی کی ترقی کو جاری رکھنے پر بھی زور دیا۔ واضح رہے کہ فرانس ان ممالک میں سے ایک ہے جو جوہری توانائی کا استعمال کر رہے ہیں اور اس پر قائم رہنا چاہتے ہیں۔