بھارتی ٹیسٹ کرکٹر امیت مشرا جلد بازی میں ٹی ٹونٹی ورلڈکپ کی فاتح ٹیم کو مبارکباد دینے میں غلطی کر بیٹھے۔
ٹی ٹونٹی ورلڈکپ کے فائنل میں گزشتہ روز آسٹریلیا نے یک طرفہ مقابلے کے بعد نیوزی لینڈ کو باآسانی شکست دی جس کے بعد سوشل میڈیا پر کرکٹرزاور دیگر شخصیات نے کینگروز کو مبارکباد دی۔
اس موقع پر 38 سالہ بھارتی ٹیسٹ کرکٹر امیت مشرا کچھ زیادہ ہی جلدی میں نظر آئے اور انہوں نے جلد بازی میں آسٹریلیا کی جگہ نیوزی لینڈ کو ٹویٹر پر مبارکباد دی۔
امیت مشرا کی اس غلطی پر جب سوشل میڈیا صارفین نے ان کا مذاق بنانا شروع کیا تو انہوں نے اپنی غلطی کو سدھارا لیکن اس وقت تک دیر ہوچکی تھی۔ سینئر لیگ سپنر نے 25 منٹ بعد اپنی ٹویٹ کو ڈیلیٹ کرکے دوبارہ ٹویٹ کرکے آسٹریلیا کو مبارکباد دی مگر اس وقت تک ان کی ٹویٹ کے سکرین شاٹ سوشل میڈیا پر وائرل ہوچکے تھے۔
Congratulations team @CricketAus on winning the World Cup 🏆. Great team effort. Very well played. #NZvsAUS #T20WorldCupFinal #AajTak #DelhiCapitals #BCCI #T20WorldCup
— Amit Mishra (@MishiAmit) November 14, 2021