لندن: مکان میں آتشزدگی 2بچے اور 2 خواتین ہلاک

لندن (انٹرنیشنل ڈیسک) برطانوی دارالحکومت میں گھر میں آتشزدگی سے 2بچے اور 2خواتین ہلاک ہو گئیں۔ واقعہ جنوب مشرقی لندن میں پیش آیا ، جہاں ایک گھر میں اچانک آگ بھڑک اٹھی ۔ واقعے میں 2 بچے اور 2 خواتین جھلس کر ہلاک ہو گئیں۔ آگ کی شدت اس قدر زیادہ تھی کہ اس کو بجھانے کے عمل میں 40 فائر فائٹرز نے حصہ لیا۔ فائر فائٹرز کے پہنچنے سے پہلے ایک شخص گھر سے نکلنے میں کامیاب ہو گیا تھا۔ پولیس بھی اطلاع ملنے پر متاثرہ گھر پہنچی اور لاشوں کو مقامی اسپتال منتقل کر دیا۔ حکام کا کہنا ہے کہ آگ لگنے کی وجوہات کا تعین تحقیقات کے بعد کیا جائے گا۔