جرمنی کی سوشل ڈیموکریٹک پارٹی، گرین پارٹی اور فری ڈیموکریٹک پارٹی کے مابین نئی وفاقی مخلوط حکومت کے قیام سے متعلق معاہدہ طے پاگیا ہے۔
خبر کے مطابق،یوں دو ماہ قبل ہونے والے قومی انتخابات کے بعد نئی حکومت کرسمس کی چھٹیوں سے پہلے قائم ہو جائے گی۔
نئے وفاقی چانسلر سوشل ڈیموکریٹک پارٹی کے اولاف شولز ہوں گے۔
تینوں سیاسی جماعتوں کے قریبی ذرائع کے مطابق اس حکومتی معاہدے کو آج حتمی شکل دی جا رہی ہے۔
نئی حکومت کے قیام سے قبل ایس پی ڈی اور ایف ڈی پی اس معاہدے کی اپنے پارٹی کنوینشنز میں منظوری حاصل کریں گی جبکہ گرین پارٹی اس کے لیے اپنے ارکان کی اکثریت کی تائید حاصل کرے گی۔