لاہور: پنجاب کے دارالحکومت کے اطراف میں شدید دھند کے باعث گورنمنٹ کالج لاہور یونیورسٹی انتظامیہ نے کالا شاہ کاکو کیمپس بند کردیا ہے۔
گورنمنٹ کالج لاہور یونیورسٹی نے یہ کیمپس طلباء و طالبات کی تعداد بڑھنے کے باعث تعمیر کیا تھا، جس میں زیر تعلیم طلباء و طالبات کو 6 شعبہ جات میں تعلیم دی جارہی تھی یونیورسٹی کی بندش کے بعد وائس چانسلر جی سی یو نے اساتدہ کو آن لائن کلاسز لینے کی ہدایات جاری کردی ہیں۔
خیال رہے کہ شدید دھند کے باعث پنجاب کے مختلف شہروں میں موٹروے اور ائیرپورٹ کے راستوں کو بھی وقتی طور پر بند کردیا گیا تھا۔