کوئٹہ: میزان چوک کے قریب قندھاری بازار میں دھماکا ہوا جس کے نتیجے میں تین افراد زخمی ہوگئے۔
ایکسپریس نیوز کے مطابق دھماکے سے قریبی عمارتوں کے شیشے ٹوٹ گئے، دھماکے سے متعدد گاڑیوں، موٹرسائیکلز اور رکشہ کو نقصان پہنچا، دھماکے کی نوعیت کا تعین کیا جارہا ہے۔
دھماکے کی اطلاع ملنے پر سکیورٹی فورسز اور ریسکیو ٹیمیں جائے حادثہ پر پہنچیں۔ ریسکیو اہلکاروں نے زخمیوں کو قریبی اسپتال منتقل کردیا جبکہ پولیس اور سکیورٹی فورسز نے علاقے کو گھیرے میں لے لیا۔ بم ڈسپوزل اسکواڈ کو بھی طلب کرلیا گیا ہے۔