کیپٹن ریٹائرڈ صفدر نے کہا ہے کہ نواز شریف خوش نصیب ہیں کہ انھیں مجھ جیسا داماد ملا۔ بیٹے کی شادی ميں گانا اس لئے نہيں گایا تاکہ ماحول خراب نہ ہو۔ البتہ 30 سال اپنی شادی کے گیت گائے تھے، اگلے تیس سال بیٹے کیلئے گاؤں گا۔
یہ دلچسپ باتیں انہوں نے اسلام آباد ہائیکورٹ کے باہر میڈیا سے گفتگو کرتے ہوئے کہیں۔ ان کا کہنا تھا کہ خیبر پختونخوا بلدیاتی انتخابات کے نتائج ووٹ کو عزت دو تحریک کی کامیابی ہے۔
ان کا کہنا تھا کہ جمعیت علمائے اسلام (ف) ہو یا مسلم لیگ (ن)، عوام کا ووٹ صحیح باکس میں گرا۔ اتنی دھند کے اندر الیکشن جیتنا عوام کی فتح ہے۔
انہوں نے کہا کہ جس طرح اللہ تعالیٰ نے میرے بیٹے کو اچھی بیوی دی ہے، میری دعا ہے کہ وہ سب کے بیٹوں کو ایسی بیویاں دے۔ اور سب کی بیٹیوں کو اللہ اچھے داماد دے۔ جس طرح اس نے میاں نواز شریف کو میری شکل میں داماد دیا ہے۔