لاہور:قومی کرکٹ ٹیم کے کھلاڑی شاہین شاہ آفریدی کا خیال ہے کہ محمد رضوان، بابراعظم سے زیادہ بہتر کپتان ہیں۔شاہین شاہ آفریدی نے حال ہی میں اپنے ایک انٹرویو میں ایک سوال کا جواب دیتے ہوئے کہا کہ انہیں محمد رضوان کی شخصیت پسند ہے۔ انہوں نے مزید کہا کہ انہوں نے خیبر پختونخوا کی طرف سے محمد رضوان کے ساتھ ڈومیسٹک کرکٹ میں کھیلنا شروع کیا اور وہ انہیں ہی بہترین کپتان قرار دیں گے۔ انہوں نے بابر اعظم کے بارے میں کہا کہ کیونکہ بابراعظم نے قومی ٹیم کی کپتانی کرتے ہوئے شاندار کارکردگی کا مظاہرہ کیا ہے تو وہ انہیں دوسرے نمبر پر رکھیں گے۔تاہم، شاہین شاہ آفریدی نے اس بات کا بھی اعتراف کیا کہ بابراعظم بہترین بلے باز ہیں اور ان کی کپتانی میں قومی ٹیم ترقی کررہی ہے۔آخر میں شاہین شاہ آفریدی نے کہاکہ بابراعظم نے بطور قومی ٹیم کے کپتان بہت شاندار کارکردگی کا مظاہرہ کیا ہے اور ہم ان کی قیادت میں بلندیوں کو چھو رہے ہیں۔