مسلم لیگ ن کے رہنما عطا تارڑ نے دعویٰ کیا ہے کہ پی ٹی آئی کے 18 سے 20 ایم این اے اب تحریک انصاف کا ٹکٹ لینے کو تیار نہیں، ان ہی ارکان نے یوسف رضا گیلانی کو سینیٹر منتخب کروایا تھا۔
یہ بات انہوں نے نجی ٹی وی کے پروگرام کیپیٹل ٹاک میں گفتگو کے دوران کہی .پروگرام میں پی پی پی رہنما مولا بخش چانڈیو بھی موجود تھے ،دوران گفتگو مولا بخش چانڈیو نے ”شیخ رشید زندہ باد’ کا نعرہ مارا اور کہا کہ انہیں شیخ رشید اس لیے اچھے لگتے ہیں کیونکہ وہ مذاق مذاق میں سچ بتادیتے ہیں کہ ابھی اداروں کا ہاتھ ان پر قائم ہے ۔