بدین(نمائندہ جسارت) متوقع بارشوں کے پیش نظرڈپٹی کمشنر آغا شاہ نواز نے محکمہ بلدیات پبلک ہیلتھ صحت سمیت دیگر متعلقہ اداروں کو الرٹ کرتے ہوئے احتیاطی حفاظتی اقدامات کرنے کی ہدایات جاری کی ہیں۔ڈپٹی کمشنر بدین نے محکمہ موسمیات کی جانب سے متوقع بارشوں کی اطلاع کے بعد محکمہ بلدیات پبلک ہیلتھ صحت ایرکیشن ڈرینج سمیت دیگر متعلقہ اداروں کے افسران اور ملازمین کو الرٹ رہنے اور کسی بھی ہنگامی صورتحال سے نمٹنے کے لیے تمام احتیاطی حفاظتی اور امدادی اقدامات کرنے کی ہدایت جاری کرتے ہوئے کہا ہے کہ تمام محکمے رابطہ میں رہیں اور ساحلی علاقوں کے عوام اور ماہی گیروں کو موسمی تبدیلی کی تازترین صورتحال سے آگاہ کرتے ہوئے قبل از وقت احتیاطتی تدابیر اختیار کرنے کی اطلاع دیں۔