کیٹو (انٹرنیشنل ڈیسک) ایکواڈور کے دارالحکومت میں سیلاب کی وجہ سے 11افراد ہلاک جبکہ 32لاپتاہو گئے ۔ خبررساں اداروں کے مطابق گزشتہ دو دہائیوں کے بعد ہونے والی ریکارڈ شدید بارش کیٹو میں نہ صرف سیلاب کا باعث بنی بلکہ تودے گرنے کے واقعات بھی رپورٹ ہوئے ہیں۔ مقامی حکام کا کہنا ہے کہ امدادی ٹیمیں مختلف علاقوں میں کارروائیاں کررہی ہیں، تاہم سیلاب کے باعث کاموں میں مشکل کا سامنا ہے۔ واضح رہے کہ ماہرین عالمی سطح پر شدید موسمی حالات کی وجہ ماحولیاتی تبدیلیوں کو قرار دیتے ہیں۔