کراچی (اسٹاف رپورٹر)پی سی بی کے ایلیٹ پینل میں شامل امپائر فیصل خان آفریدی کو پی ایس ایل 7 کے لیے بنائے گئے حفاظتی پروٹوکولز کی خلاف ورزی کرنے پر 5 میچز کے لیے معطل کردیا گیا ہے ۔ ان پر میچ فیس کا50 فیصد جرمانہ بھی عائد کیا گیا ہے ۔ پی سی بی کے چیف آپریٹنگ آفیسر سلمان نصیر کا کہنا ہے کہ پی سی بی نے ایل پی ایس ایل 7 کے لیے بنائے گئے حفاظتی پروٹوکولز کی خلاف ورزی پر زیرو ٹولیرنس پالیسی اپنا رکھی ہے۔ اس اقدام سے ثابت ہوتا ہے کہ وہ تمام شرکاء کی صحت اور حفاظت کو اولین ترجیح دینا ہے۔