ٹنڈومحمدخان (نمائندہ جسارت)مسلم لیگ ن ضلع ٹنڈومحمدخان کے صدر قاضی غلام حسین سولنگی نے مسلم لیگ ن سینٹرل ایگزیکٹو کمیٹی کے ممبر پیر اسداللہ جان سرہندی سے ان کی رہائش گاہ پر ملاقات کی۔ اس موقع پر رہنماؤں نے مسلم لیگ ن کو ضلع میں مضبو ط کرنے کا عزم کیا اور تنظیم سازی مکمل کرنے پر اتفاق کیا ۔ اس موقع پر مسلم لیگ ن کے ضلعی صدر قاضی غلام حسین سولنگی نے صحافیوں سے بات چیت کرتے ہوئے کہاکہ مسلم لیگ ن ملک کی مقبول ترین جماعت ہے اور نواز شریف آج بھی ملک کے مقبول ترین لیڈر ہیں ، پاکستان قوم آج بھی میاں محمد نواز شریف سے محبت کرتی ہے ، آنے والا وقت ن لیگ اور نواز شریف کا ہے ، جلد سندھ میں مسلم لیگ ن کی تنظیم سازی کا عمل شروع کیا جائے گا اور ٹنڈومحمدخان میں بھی مسلم لیگ ن کی تنظیم سازی کو مکمل کیا جائے گا۔