لودھراں ( آن لائن )رہنما تحریک انصاف جہانگیر ترین نے کہا ہے کہ تاحیات نااہلی کیخلاف درخواست سے میراکوئی تعلق نہیں ہے، بحران انتہا پر پہنچ جاتا ہے تب حکومت حرکت میں آتی ہے، بحران پیدا ہونے سے پہلے اس پر قابو پانے کیلیے حکومت کے پاس وسائل ہوتے ہیں۔لودھراں میں میڈیا سے گفتگو میں جہانگیر ترین نے کہا کہ پوری منی ٹریل موجود تھی لیکن تا حیات نااہل کردیا گیا،تاحیات نااہلی کیخلاف درخواست سے میرا کوئی تعلق نہیں ہے ،تاحیات نااہلی کا تْک ہی نہیں بنتا، چور اور قاتل سزا کاٹنے کے بعد الیکشن لڑسکتے ہیں اور تاحیات نااہل بھی نہیں ہوتے، میرا قصور یہ تھا کہ میں نے لندن میں ٹیکس کیادا شدہ پیسوں سے گھر خریدا،میں غلط تھا تو مجھے ایک بار کے لیے نااہل کر دیتے، تاحیات نااہل نہ کیاجاتا۔ بحران انتہا پر پہنچ جاتا ہے،تب حکومت حرکت میں آتی ہے، بحران پیدا ہونے سے پہلے اس پر قابو پانے کیلیے حکومت کے پاس وسائل ہوتے ہیں۔