لیما: جنوبی امریکی ملک پیرو میں مسافر بردار طیارہ گر کر تباہ ہوگیا، جس کے نتیجے میں اس میں سورا 7 افراد ہلاک ہوگئے
عالمی خبر رساں ادارے کے مطابق طیارہ پرواز بھرنے کے کچھ دیر بعد ہی ہچکولے کھاتے ہوئے زمین پر آگرا، زمین پر گرتے ہوئے طیارے میں آگ بھڑک اُٹھی، فائر بریگیڈ کے عملے نے طیارے میں لگی آگ کو بجھایا اور ملبے سے 7 جلی ہوئی لاشیں نکالیں جن میں بچے بھی شامل ہیں، طیارے میں پانچ سیاح اور عملے کے دو ارکان سوار تھے۔
ایک انجن والا چھوٹا طیارہ کیسنا 207 نے ماریہ رچی ایئرپورٹ سے تفریحی مقام نازکا جانے کیلئے اڑان بھری تھی، اُڑان کے کچھ ہی دیر بعد کنٹرول ٹاور سے طیارے کا رابطہ منقطع ہو گیا۔ ہلاک ہونے والے پانچوں مسافروں کا تعلق ایک ہی خاندان سے ہے اور وہ تفریح کی غرض سے نازکا جارہے تھے۔
سول ایوی ایشن نے حادثے کی تحقیقات کے لیے انکوائری کمیٹی تشکیل دیدی۔
