واشنگٹن (انٹرنیشنل ڈیسک) امریکا متحدہ عرب امارات کو میزائل شکن نظام بہتر بنانے میں معاونت کرے گا۔ امریکی فوج کی مرکزی کمان کے سربراہ جنرل فرینک میکینزی نے ابوظبی کے دورے کے دوران کہا کہ امریکا تمام ممکنہ طریقوں سے متحدہ عرب امارات کی معاونت کرے گا تاکہ وہ اپنا دفاع کر سکے۔ یاد رہے کہ چند ہفتے قبل یمن کے ایران نواز حوثی باغیوں نے میزائلوں اور ڈرونز کے ذریعے متحدہ عرب امارات کو نشانہ بنایا تھا۔ خبررساں اداروں کے مطابق اس سے قبل بھی متحدہ عرب امارات کی جانب سے امریکا سے پیٹریاٹ اور تھاڈ جیسے میزائل شکن نظاموں کے لیے درخواست کی گئی تھی۔