لاہور(نمائندہ خصوصی ) کوئٹہ گلیڈی ایٹرز کے جیسن رائے پر ضابطہ اخلاق کی خلاف ورزی کرنے پر جرمانہ عائد کردیا گیا۔قذافی اسٹیڈیم لاہور میں کھیلے گئے پی ایس ایل 7کے بیسویں میچ میں پی ایس ایل کے ضابطہ اخلاق کی خلاف ورزی کرنے پر کوئٹہ گلیڈی ایٹرز کے اوپنر جیسن رائے پر میچ فیس کا 5 فیصد جرمانہ عائد کردیا گیا ہے۔امپائر کی جانب سے وکٹوں کے پیچھے آئوٹ دیے جانے کے فیصلے پر ردعمل ظاہر کرنے پر جیسن رائے پی ایس ایل کے ضابطہ اخلاق کی شق 2.21کی خلاف ورزی کے مرتکب پائے گئے ہیں۔بیٹسمین نے اپنی غلطی کا اعتراف کرتے ہوئے میچ ریفری روشن ماہنامہ کی جانب سے عائد جرمانے کو قبول کیا ہے۔
