برازیلیا (انٹرنیشنل ڈیسک) برازیل کے شہر پیٹرو پولس میں طوفانی بارش اور لینڈ سلائیڈنگ کے باعث مختلف حادثات میں 100 سے زائد افراد ہلاک اور درجنوں لاپتاہو گئے۔ غیر ملکی خبر رساں ادارے کے مطابق پہاڑی علاقے میں ہونے والی طوفانی بارشوں نے ہر طرف تباہی مچا دی، درجنوں مکانات تباہ ہو گئے اور گاڑیوں سمیت راستے میں آنے والی ہر چیز پانی کے تیز بہاؤ میں بہ گئی۔ برازیل کی نیشنل سول ڈیفنس کے حکام نے 94 افراد کی ہلاکت کی تصدیق کرتے ہوئے کہا کہ امدادی آپریشن جاری ہے اور 24 افراد کو بچایا جا چکا ہے۔