کابل (انٹرنیشنل ڈیسک) افغانستان میں 4روز تک کنویں میں پھنسے رہنے والا 6سالہ بچہ جاں بحق ہوگیا۔افغانستان کے جنوبی صوبے ذابل میں حکام نے مسلسل کوششوں کے بعد جمعہ کے روز بچے کو کنویں سے نکالا،تاہم اس وقت تک وہ دم توڑ چکا تھا۔ اہلکاروں نے بچے تک پہنچنے کے لیے خندق کھودی اور ایک ہیلی کاپٹر کو تیار رکھا گیا،تاکہ بچے کو فوری طور پر کابل کے اسپتال لے جایا جائے۔ جب بچے کو نکالا گیا تو وہ آخری سانس لے رہا تھا اور دوران سفر ہی وہ دم توڑ گیا۔
