اسلام آباد: وزیراعظم عمران خان اتوار کو حافظ آباد میں جلسے سے خطاب کریں گے، پی ٹی آئی کے سینیٹر فیصل جاوید نے سماجی رابطے کی ویب سائٹ ٹوئٹر پر اپنے بیان میں کہا کہ منڈی بہاوالدین، میلسی اور دیر کے کامیاب جلسوں کے بعد وزیراعظم عمران خان عوامی رابطہ مہم کے تحت اتوار کو حافظ آباد میں جلسہ عام سے خطاب کریں گے۔
فیصل جاوید کا کہنا تھا کہ عوام کا وزیراعظم عمران خان پر بھرپور اعتماد ہے ، اپوزیشن کی تحریک عدم اعتماد عمران خان پر اعتماد پلس میں بدل گئی ہے۔
دوسری جانب وزیر مملکت فرخ حبیب نے میڈیا سے گفتگو کرتے ہوئے بتایا کہ وزیراعظم عمران خان اتوار کو حافظ آباد کا دورہ کریں گے، وزیر آباد کی تاریخ کا سب سے بڑا جلسہ ہوگا اور حافظ آباد میں یونیورسٹی اور اسپتال بنائے جارہے ہیں۔