کراچی: پولیس میں بھرتی کیلئے ٹیسٹ دینے آنے والا دوڑ کے دوران 25 سالہ نوجوان دوڑ کے دوران جاں بحق ہوگیا۔
میڈیا رپورٹس کے مطابق کراچی کے علاقہ بلدیہ ٹاؤن میں واقع پولیس ٹریننگ سینٹر میں پولیس اہلکاروں کی بھرتی کے سلسلے میں دوڑ جاری تھی، کہ ایک نوجوان دوڑ کے دوران مبینہ طور پر گر کر بے ہوش ہوگیا جسے مقامی طور پر طبی امداد دی گئی مگر اس دوران ہی وہ انتقال کر گیا۔
پولیس حکام نے بتایا کہ مرنے والے نوجوان کی شناخت 25 سالہ عبدالمجید کے نام سے ہوئی ہے، واقعہ بھرتی کے ٹیسٹ کے لئے دوڑ کے دوران پیش آیا، مرحوم کے اہل خانہ کو اطلاع دے دی گئی ہے۔