سیئول (انٹرنیشنل ڈیسک) جنوبی کوریا کا کہنا ہے کہ شمالی کوریا نے بین البراعظمی بیلسٹک میزائل کا تجربہ کیا ہے۔ یہ رواں سال تیرہواں بیلسٹک میزائل تجربہ ہے۔ اس سے قبل 16 مارچ کو کیا گیا میزائل تجربہ ناکام ہوگیا تھا۔دوسری جانب امریکا اور جاپان نے میزائل تجربے کی سخت مذمت کرتے ہوئے اسے خطے کے لیے خطرہ قرار دیا ہے۔ ترجمان وائٹ ہاؤس جین ساکی نے کہا کہ یہ اقدام اقوام متحدہ سیکورٹی کونسل کی قراردادوں کی واضح خلاف ورزی ہے۔اس سے خطے میں تناؤ بڑھے گا اور سلامتی متاثر ہوگی۔
