ٹنڈومحمدخان (نمائندہ جسارت) جئے سندھ قومی محاذ ضلع ٹنڈومحمدخان کی جانب سے مقامی رہنماء غلام مصطفی جسکانی کی گرفتاری کیخلاف ضلعی رہنماؤں گلشیر کولاچی ، راجہ سرمند ہاجانو ، صوفی حامد سندھی و دیگر کی قیادت میں مظاہرہ کیا گیا۔اس موقع پر رہنماؤں نے خطاب کرتے ہوئے کہاکہ پولیس نے بلا جواز ہمارے مقامی رہنماء کو جھوٹے مقدمے میں گرفتار کیا ہے ، جس کی ہم پرزور لفظو ں میں مذمت کرتے ہیں اورمطالبہ کرتے ہیں کہ انور کالونی کے تنظیمی رہنماء غلام مصطفی جسکانی کو فوری طو ر پر رہا کیا جائے۔
