اسلام آباد :کابینہ ڈویژن نے عمران خان کے خلاف تحریک عدم اعتماد کی کامیابی کا نوٹی فکیشن جاری کردیاہے۔
میڈیا رپورٹس کے مطابق کابینہ ڈویژن نے اپوزیشن کی جانب سے پیش کی گئی عدم اعتماد کی کامیابی کے بعد وزیر اعظم، کابینہ ، مشیر سمیت دیگر معاونین خصوصی کوبھی ڈی نوٹی فائی کرنے کا نوٹی فکیشن جاری کیا ہے۔
خیال رہے کہ گزشتہ دن متحدہ اپوزیشن کی جانب سے وزیر اعظم کے خلاف عدم اعتماد کی تحریک پیش کی گئی تھی، جس میں اپوزیشن کو کامیابی ہوئی۔