ڈرون بنانے والی چینی کمپنی ڈی جے آئی ٹیکنالوجی نے کہا کہ وہ روس اور یوکرین میں کاروبار کو عارضی طور پر معطل کر رہی ہے۔
یہ پہلی بڑی چینی کمپنی ہے جس نےروس کو فروری میں ہمسایہ ملک یوکرین پر حملہ کرنے کے بعد فروخت روک دی ہے۔
خبر کے مطابق نجی کمپنی نے ایک بیان میں کہا کہ وہ اندرونی طور پر مختلف دائرہ اختیار میں تعمیل کے تقاضوں کا از سر نو جائزہ لے رہی ہے اور اس جائزے کو مکمل کرنے تک وہ روس اور یوکرین میں تمام کاروباری سرگرمیاں عارضی طور پر معطل کر دے گی۔
اگرچہ مغربی کمپنیاں یوکرین پر روسی حملے پر احتجاجاً روس سے نکل چکی ہیں مگر بہت سی چینی کمپنیاں اب بھی روس میں موجود ہیں۔
روس میں کام کرنے والی چینی کمپنیاں بیجنگ کے جنگ کے معاملے پر اس موقف کی پیروی کرتی دکھائی دیتی ہیں جس کے تحت ماسکو پر تنقید کرنے سے گریز کیا گیا ہے۔