ایلون مسک کا نے ٹوئٹر کے بعد مشروب ساز کمپنی کوکا کولا کو خریدنے کا ارادہ
واشنگٹن: امریکی ٹیکنالوجی کمپنی ٹیسلا اور نجی خلائی کمپنی کے مالک ایلون مسک نے مائیکرو بلاگنگ ویب سائٹ ٹوئٹر کے بعد مشروب ساز کمپنی کوکا کولا کو خریدنے کا ارادہ ظاہر کردیا۔
غیر ملکی میڈیا کی رپورٹ کے مطابق حقیقت پسندانہ طور پر کوکا کولا کمپنی کی مالیت اس وقت 284 ارب ڈالر ہے جبکہ مسک کی خالص مالیت اس وقت 253 ارب ڈالر تک محدود ہے۔
ٹریڈنگ کمپنی فنٹ فٹ نے دنیا کے امیر ترین شخص ایلون مسک کی ٹویٹ پر انہیں طنز کرتے ہوئے کہا کہ آپ کوکا کولا کمپنی خریدنے کے لیے بہت غریب ہیں۔
اس سے قبل گزشتہ دنوں مسک نے مائیکرو بلاگنگ ویب سائٹ ٹوئٹر کو تقریباً 44 ارب ڈالرز میں خریدنے کا معاہدہ کیا تھا، جس کے بعد ٹوئٹرکا کنٹرول اب دنیا کے امیر ترین شخص کومنتقل ہوجائے گا۔
واضح رہے کہ ایلون مسک ٹوئٹر کی خریداری کے لیے فی شیئر 54.20 ڈالر رقم ادا کریں گے۔
منبع: ایکسپریس نیوز
