کوئٹہ کے علاقے ائیرپورٹ روڈ پر کسٹمز کے دفتر میں دھماکے کی اطلاعات ہیں۔ قانون نافذ کرنے والے اداروں نے موقع پر پہنچ کر پورے علاقے کو گھیرے میں لے لیا ہے۔
بم دھماکے کی اطلاع ملتے ہی ریسکیو کی ٹیمیں، بم ڈسپوزل سکواڈ کا عملہ اور فائر بریگیڈ کی گاڑیاں موقع پر پہنچیں جبکہ سیکیورٹی فورسز نے تمام علاقہ سیل کرکے تفتیش شروع کردی۔
پولیس حکام کا کہنا ہے کہ دھماکے کی نوعیت کا ابھی تک کچھ پتا نہیں چلا۔ اس واقعے میں ایک شخص زخمی ہوا جسے طبی امداد کیلئے ہسپتال منتقل کر دیا گیا ہے۔
