چئیرمین واپڈا لیفٹیننٹ جنرل (ر) مزمل حسین نے مستعفی ہونے کا فیصلہ کیا ہے
تفصیلات کے مطابق لیفٹیننٹ جنرل (ر) مزمل حسین نے اپنا استعفی وزیراعظم شہبازشریف کو بھجوا دیا ہے۔
مزمل حسین کا کہنا ہے کہ اپنا استعفیٰ آج وزیراعظم کو بھجوا دیا ہے، استعفیٰ دینے کی وجوہات ابھی شیئر نہیں کر سکتا لیکن استعفیٰ منظور ہونے کے بعد وجوہات پر تفصیلی گفتگو کروں گا۔
مستعفی چیئرمین واپڈا نے کہا کہ میں نے اپنی تعیناتی کے دوران متعدد اہم آبی وسائل پر کام کیا، واپڈا کو اپنے پاؤں پر کھڑا کر کے دکھایا۔
میڈیا رپورٹ کے مطابق لیفٹیننٹ جنرل (ر) مزمل حسین نے کہا ہے کہ موجودہ حکومت کے ساتھ کام نہیں کر سکتا جس کے باعث انہوں نے اپنے عہدے سے مستعفی ہونے کا فیصلہ کیا ہے۔انہوں نے کہا کہ ذاتی وجوہات کی بنا پر کام جاری نہیں رکھ سکتا۔
لیفٹیننٹ جنرل ریٹائرڈ مزمل حسین کو سابق وزیراعظم نواز شریف نے اگست 2016 میں چیئرمین واپڈا تعینات کیا تھا اور بعد ازاں پاکستان تحریک انصاف کی حکومت نے ان کی مدمت ملازمت میں توسیع کر دی تھی۔
خیال رہے کہ سینئر صحافی نجم سیٹھی نے نیا دور کے پروگرام خبر سے آگے میں کہا تھا کہ پاک فوج میں جنرلز کی پوسٹنگ اور ٹرانفرسز کا وقت قریب آن پہنچا ہے جبکہ کچھ ریٹائر ہو جائیں گے اور اب ان کی جگہ پر تقرر وتبادلے ہونگے۔ ذرائع کہہ رہے ہیں کہ جنرل فیض حمید کو جلد جی ایچ کیو میں ٹرانسفر کر دیا جائے گا۔
اس پر حسن زیدی نے کہا کہ انکی رائے ریٹائرمنٹ کے بارے میں غلط ہے۔ ستمبر (جولائی میں) سے پہلے صرف ایک ریٹائرمنٹ آرہی ہے ۔ اتفاق سے، واپڈا کے جنرل (ر) مزمل جنہوں نے حال ہی میں استعفیٰ دیا ہے، ان پر الزام ہے کہ وہ جنرل فیض اور مونس الٰہی کے درمیان پیغام رسانی میں کردار ادا کرتے تھے۔
He’s wrong about the retirements. Only one retirement coming up before September (in July) but on the rest he’s probably spot on. Incidentally, Gen (retd) Muzammil of Wapda who just resigned is alleged to have been the go-between between Gen Faiz and Moonis Elahi. https://t.co/ToIoYutzGc
— Hasan Zaidi (@hyzaidi) May 7, 2022
اس پر نجم سیٹھی نے جواب دیا کہ مجھے اس ماہ ریٹائرمنٹ کے بارے میں غلط فہمی ہوئی تھی۔ جنرل (ر) مزمل کے کردار کے بارے میں آپ ٹھیک کہتے ہیں۔ اس دن دو اور لوگوں نے بھی چودھریوں کو بلایا۔ ایک ریٹائرڈ انسائیڈر ہے اور دوسرا بلوچستان سے تعلق رکھنے والا ایک اعلیٰ ترین سیاستدان جس کا استعفیٰ بھی سامنے ہے۔
I was mistaken about retirements this month. You are right about Gen R Muzamil’s role. Two other persons also called the Chaudhries that day. A retd insider who is for the chop and the other a highly placed politician from Balochistan whose resignation is on the cards too. https://t.co/ZRqW240raG
— Najam Sethi (@najamsethi) May 7, 2022